سورية الحديثة بقلم أحمد علي البيطار

 ما يميز بين كاتب وآخر ليس الأسلوب واللغة وإنما مستوى الدهشة ووضوح الرؤية

 

بلا أصفاد....

لا ينقصني إلا أنا التي سجنتها يوماً في سرداب عميق، الطريق إليه مسدود..

وكلما زاد شوقي لها زاد غضبي مني، فأبحث بين أوراق دفاتري عن بقايا من رائحتها، لعلي أجد ما يقر عيني فيهدأ قلبي قليلاً..

فكيف لي أنا أقسوا على نفسي، حتى لم يعد بيننا سلام، بل حرب ضارية لا يمكن أن تنفض إلا برحيلي عن هذا العالم..

وربما يأتي السلام فقد لمحت بين السحب تلك النجوم الثلاثة التي طالما عشقتهم نفسي، لعلها تهرب من ذلك السرداب وتحيا معي ما تبقى لي..

لم أجن ولكن للجنون شوق يكاد يبتلع كل ذرة بي..

 

 

تجلت الفكرة التي ستمكنني من جعلها تتركه وتجلس معي، كما أنها يجب أن تعلم، فقوته تتزايد، فجذبتها بصوتي الذي لم تستطع مقاومته يوماً:

- هل يمكنكِ تصور كيف كانت الحياة في العهود التالية لعهد بافو؟! أو أين يقع عالم موتانتس؟! ذلك العالم الخفي عن الأعين..

فالتفتت لي والدهشة تسكن ملامحها:

- بافو؟! تقصد صاحب تلك التعويذة .. أنت لم ترضى أن تخبرني عنه وقتها.. وما هو عالم موتانتس؟!

حاولت تقمص دور الحازم حتى لا تشعر بسعادتي:

- وقتها لم يكن بإمكاني إخبارك، ولكن الآن يمكنني فعلها.. لم أظن بأنكِ لم تسمعي من قبل عن عالم موتانتس.. أو مدينة تيليوس.

فاقتربت مني بضع خطوات:

- عمر.. توقف عما تفعل.. أنا لا أعلم شيئاً عما تقول.

فنهضت واقتربت منها ووضعت يدي على ذراعيها وحوطتها:

- ليس وأنا هنا.. سوف أخبرك عنهما، ففي حقيقتهما يكمن السر الذي تم طمسه منذ ملايين السنين.

- أي سر!

- سر كتاب إيماتروا نكتر.

- إيماتروا نكتر.. أنا لم أسمع عنه من قبل.. ما معناه؟!

- إذا أردتي معرفة معناه.. عليكي بالجلوس معي.. لأحكي لكِ القصة.. ومنها ستعلمين كيف كانت البداية؟ وهل وصلنا للنهاية؟! أم لا زالت القصة مستمرة...

فأومت برأسها موافقة، فأخذتها وجلسنا..

لحظات وسرقتها لعالمي..

 

 

 

وقد كان منذ زمن بعيد.. حصاراً عملاقاً من حبيبات الجليد الباردة أحيط ببركان حبي وعشقي الثائر حتى خمدت نيرانه فلم يعد يتأجج، لم يعد هناك حمم تتصارع من أجل البقاء على قيد الحياة كما كان منذ زمن ليس ببعيد، لم يعد لك معي ثورات يمكنها إعادة حكمك بمملكتي، لم تعد أنت أنا ولم أعد أنا على قيد الحياة..

فقد تولي حكمي تنين كالبحر في طلته وعذوبته يلفظ بجليده على كل من يواجه، فتبدلت أحوال العالم من حولي واختفت منه مظاهر الدفء إلا بين ثنايا جناحيه، ومعه لم يعد قلبي ينبض كالسابق، فأصبحت كالميت الحي ولا زلت أعيش بينهم كعنقاء تقف بين السماء والأرض، لا تمتلك موطن تحتمي إليه كلما أشتدت الأعاصير وهبط الماء من الأسفل ليسقي أشجار السماء، بل تمتلك جناحان قد أرهقتهما الحياة وأخذت منهما ريشاً لتتجمل، ولا زلت أرفرف بهما حتى تخور قواي وأسقط ليبتلعني شوقي اللعين للحظة دفء..

 

 

 

 

حقوق الزوجة والزوجة في العفة واحدة ومفيش فرق، ومش معنى أن النساء بتسكت ومش بتطالب بحقها يبقى ده معناه ان ملهاش حقوق زوجية، الزواج عفة للطرفين، واي حد مش عجبه الكلام ده هو ذو وجهين..

في فئة من الرجال عايز زوجة تسعده لكن مش عايز يسعدها، عايزها ترضى باللي يتفضل به عليها، لما يكون عايز يأخذ حقوقه تطيعه أو تكون ناشز وضربها قبل حتى ما يبدأ بالوعظ، لكن لو هي طلبت حقوقها تبقى معدومة الحياء ويخاف منها، عايز يكون له حقوق في أي وقت لكن مش عايز هي يكون لها حقوق في أي وقت تطلبها..

وفي فئة بردوا من الرجال شايفين أن بدل هو بيدفع يبقى هي بقت ملكه وكأن عقد الزواج عقد ملكية، ربنا اللي خص الرجل بالانفاق، لذا في الميراث بيرث ضعف المرأة، زي ما خلى القوامة في ايد الرجل وأنه يكون المسئول عن زوجته وأولاده، ليه بيتناسوا أن المرأة تتحمل الحمل والولادة والرضاعة لتعطيك طفل وتجعل منك أب، هيرد ما أنا السبب في الحمل، بس هي اللي عانت وتعبت وتحملت الألم مش أنت..

العلاقة بين الزوجين لازم تتبني صح، أو مفيش لزوم لها، وفي بيوت ما شاء الله ربنا يحفظهم عايشين مودة ورحمة وحياة زوجية وأسرية سعيدة..

وطبعاً عشان اللي هيجي يقول ما تكملوا الآية، حاضر هنكملها: ولهن مثل الذي عليهن بالمعروف وللرجال عليهن درجة..

لكن لازم تعرف أن الدرجة هنا مش تسلط ولا أن حقوقه أكثر من حقوقها ولا نفي بحقوقها في العفة زيه..

الدرجة هنا لأنه هو القوام على أسرته والمنفق عليها واللي المفروض يحتوي الأسرة ويرعاها لأنه راعي ومسئول..

الدرجة دي مش معناها أنه أفضل منها أو أعلى منها أو هيتحاسب بشكل مختلف..

وزي ما قولت قبل كده، كلمة درجة ذكرت مع الانبياء، ومش معناها أنه في نبي أفضل من نبي، لكن لكل واحد منهم معجزة ففي اختلاف، لكن الدرجة هنا مش للتفضيل..

واي حد شايف أنه أفضل من التاني بسبب نوعه يبقى لما يموت وينتقل للرفيق الأعلى يعترض هناك لما يلاقي نفسه مش افضل ولا حاجة، وأن كل كلمة قالها بيتحاسب عليها، وأن كل إساءة أو إهانة مذكوىة، وأن رمي المحصنات مش سهل ومش معنى أنه من اكونت على الفيس أن ربنا هيتغاضى عنه، ومش هتتعاقب عليه، وأن مفيش تعميم على أن في جنس كله شياطين ولا في جنس كله ملائكة، كلنا بشر نخطئ ونصيب..

 

 

 

 

ربيت بنتك على الصح والغلط والحلال والحرام، ونسيت تربي ابنك على الصح والغلط والحلال والحرام، ولما يغلط مع بنات الناس تقول أصله مفيش حاجة هتعيبه، طيب لو بنتك غلطت هتعمل ايه، هتقتلها؟!

ما أنت نسيت أن بنات الناس زي بناتك بردوا، ومتقولش أن بنتي متربيه مش ممكن تغلط، لو ضعفت قدام رجل ضحك عليها بالكلام الحلو وغلطت ولو غلط بسيط فأنت الملام، زي اي أهل بيشدوا على بناتهم في التربية وسيبين أولادهم الذكور من غير ما يحجموا تصرفاتهم الغلط..

ربوا أولادكم الاتنين سواء كانوا ذكور أو إناث على الحلال والحرام، قبل ما تتحاسبوا قدام ربنا سبحانه وتعالى لما يسألكم على رعاياكم عملتوا فيهم ايه، هتقولوا ساعتها ربينا البنت وسيبنا الولد اصل المجتمع قال إنه حر يعمل اللي عاوزه..

حدود الله مفيهاش فرق بين رجل وامرأة..

الحلال حلال والحرام حرام وعمره ما هيكون حلال، والصح صح والغلط غلط..

اللي يقول إن البنت في الغلط مختلفة يبقى منافق، وعايز يقتطع من كلام الله اللي على هواه، ربنا هيعاقب الاتنين بنفس العقاب..

في النهاية البنت اللي تغلط هتتحاسب والولد اللي هيغلط هيتحاسب، والاتنين غلط وبالنسبة لي زي بعض مفيش فرق بينهم..

وزي ما مفيش رجل يحب يتزوج بنت لها ماضي، كمان من حق البنت أنها ترفض تتزوج رجل له ماضي..

الماضي هنا أقصد به الزنا، لأن في رجالة للأسف بتتفاخر بعلاقتها السابقة وكأنهم مش خايفين من عقاب ربنا..

من سلم العقاب أخطأ، ومن خاف العقاب ابتعد عنه..

المنشور ده في إعادة وكلام تاني، عشان اللي شايف أن غلطة الرجل مختلفة عن غلطة المرأة..

ناس لا تعرف دين ولا بتخاف ربنا،  لكن بيخافوا من الناس..

ونسيوا أن ربنا شايفهم ومطلع وهو المنتقم..

 

 

علموا أولادكم سواء شباب أو فتيات، يعملوا حدود لنفسهم، وأن الحب مش كلام ومقابلة وهزار وتجاوز حدود..

علموهم أن ربنا قال ولا تقربوا الزنا، أي ابعدوا عن الخطوات اللي تقربكم من الزنا..

علموا الشباب من أولادكم، أن الشهوة هتنتهي لكن أنك تأذي بنات الناس وتلعب بهم وتتجاوز الحدود ده عند ربنا كبير..

علموا بناتكم أن اللي يطلب منك تقابليه من وراء أهلك أو يكلمك عن الحب بدون ما يكون عايز الحلال ده بيلعب بكِ، وأنك لو عملتي اللي هو عاوزه يبقى أنتِ كمان غلطانه زيه وحسابك كبير..

علموهم يخافوا من ربنا مش من الناس..

في الخطأ الاتنين واحد، وأي رجل شايف أنه لما يكلم بنات ويوعدهم بالزواج ويتجاوز حدوده معاهم أن بمجرد ما هي وافقت هو كده برئ يبقى ميعرفش أن حسابه عند ربنا كبير، وربنا هينتقم منه، وهيترد ده في حياته بعد كده ومش هعيش سعيد..

وأي بنت شايفة أنها معفيه من الجرم لو هو اللي بدأ ووعدها وهي صدقته، تبقى بتتوهم، لأن بدل وافقتي يبقى عقابك زيه تمام..

اتقوا الله في أنفسكم قبل ما تتقوا الله في غيركم، يعني فكروا ألف مرة قبل ما تغلطوا غلط يقربكم من سخط الله وناره ويبعدكم عن رضاه وجنته..

في النهاية اللي بيحصل ده سببه البعد عن الدين، لأن المجتمع بيعاقب النساء لما تغلط، لكن بيتغافل عن الرجال في نفس الغلط..

ونسي المجتمع أن الرجل لما بيغلط بيغلط مع امرأة، ومش بالضرورة تكون سيئة للغاية، ممكن يكون مضحكوك عليها باسم الحب، لكن هتفضل مخطئة وهو كمان مخطئ..

بلاش توزنوا الأمور بمكيالين في موضوع الشرف والعفة والزنا، لأن ده بيخلي الأمور تخرج عن السيطرة..

لما بتبيحوا لرجل أنه يتلاعب برحته، لأن ليس عليه أي حرج أو ذنب أمام المجتمع، هيتمادى وغيره هيتمادى، لكن لما تحطوا أمامه العراقيل وتؤذوا وتحسسوا أنه شخص مجرم وسيء ومحدش يرضى يتعامل معاه ولا تزوجوا من بناتكم هيكون عبرة..

ربنا قال أن الشخص لو معروف بالزنا سواء رجل أو امرأة، مينفعش تقبلوا به، وأن الزاني ينكح زانية والعكس صحيح..

ربنا لم يفرق بين الرجل والمرأة في الموضوع دي، لأن التفرقة هي اللي هتسبب المشاكل والأوضاع الغلط اللي بتحصل كل يوم..

ربنا المستعان على الوضع ده..

  الكاتبة إيمان إسماعيل الشاذلي